Министерството за здравство информира, согласно податоците од Институтот за јавно здравје во последните 24 часа се направени 2.345 тестирања, а регистрирани се 373 нови случаи на Ковид-19, од кои во
Скопје – 155, а во Прилеп – 47 . Пријавени се вкупно 8 починати лица: 5 пациенти од Скопје (94г, 81г, 79г, 78г и 76г) и по еден пациент од Куманово (66г), Гостивар (61г) и Прилеп (76г). Сите пациенти се починати во болнички услови.
Регистрирани се 309 оздравени пациенти најмногу од Скопје – 114, а во Прилеп 12.
Во Прилеп меѓу првите во земјава регистрираше пациенти од новиот британски сој на корона вирус, што според здравствените работници е причината за побрзо ширење на инфекцијата. Од почетокот на февруари до денес, регистрирани се 343 позитивни пациенти, а 34 се на болничко лекување. Поради ова, покрај Инфективното одделение, повторно се активираат и другите оддели во прилепската болница.