Македонските организации ширум светот обединети под движењето „Ние сме Македонија“ викендов одржаа протести во 15 тина градови. Мирните протести започнаа во Вашингтон, САД и Торонто, Канада, на 3 ти март, а се одржаа денеска и ширум Европа во: Прага, Франкфурт, Хаг, Лондон, Малме, Прага, Италија, Холандија Словенија, Малта, како и во Нов Зеланд. Денеска масовен протест се одржа и на Плоштадот Македонија во Скопје.
Со ова глобалната граѓанска иницијатива „Ние сме Македонија“уште еднаш Македонците во светот го изразија незадоволство од разговорите за менување на името на Република Македонија за забрзување на евроатлантската перспектива на земјата. Барањата се итен прекин на преговорите за заштита на името на државата, на националниот идентитет и на јазикот.