Ракометарите на Прилеп во еден одличен натпревар, со голема желба за победа, ја совладаа екипата на Јуниор КВ, која по победата над Работнички се обиде да го повтори успехот и во Прилеп. Но, тука наиде на „тврд орев“,а голови паѓаа т.р секоја минута од натпреварот. Прилепчани на домашен терен започнаа и играа одлично во текот на целиот натпревар. Избраниците на Горан Кузаманоски, преку брзи додавања во напад, одлична одбрана и прекрасни интервенции на прилепскиот голман, како и реализирани контранапади во второто полувреме, успеаја да ја “наполнат мрежата“на Јуниор КВ со 33 голови, а гостите само, беспомошно , се обидуваа да ја намалат резултатската предност на домаќините, кои во еден момент изнесуваше и 10 голови разлика. Дуелот се одигра во салата Р. Р. Ричко, со почитување на сие мерки на заштита и заврши со краен резултат 33:27 (18:14) .
Паднаа 60 гола на ракометниот терен во Прилеп
