Дождливото и студено време е причина поради која еко акцијата „Да си го исчистиме Прилеп“ наместо утре – сабота, се пролонгира за в недела, на 25 ти април.
Повикот за масовно учество во акцијата е упатен од иницијативата Еко свест Прилеп, до сите кои што си го сакаат родниот град, поединци, здруженија, партии за што поуспешна иницијатива в недела на 25 ти април во периодот од 10 до 15 часот.
Иницијативата за граѓански еко активизам, започна скромно преку социјалната мрежа Фејсбук од вљубеникот во природата и голем интузијаст Виктор Петроски, веќе добива на поддршка и масовност од сограѓаните, прилепчани. После двете акции на Маркукуле и кај Селце, следната цел е излетничката локација вештачко езеро Прилеп.