Полицискиот час се намалува, се отвораат фитнес центрите, настани на отворено и затворено…
Комисијата за заразни болести предлага нови полабави мерки, кои ги соопшти денеска ресорниот министер Филипче. Полицискиот час да трае од полноќ до пет наутро, кафеаните, само на отворено, да работат до 23.30 и да се отворат фитнес центрите и теретаните.
Да се доволи и организирање на настани на отворено и затворено со почитување на протоколите од 2020 година, односно со присуство на 30 % од целосниот капацитет;
Капацитетот на градинките се зголемува од 15 на 20 деца во групи;
Здравствените работници ќе може да ги искористат старите и да земат нови годишни одмори;
Министерот ќе ги предложи новите мерки на Главниот координативен кризен штаб во Владата, утре „врз основа на стабилизацијата на епидемиолошката состојба во државата“.