На 09.05.2021 во Полициско одделение Ропотово Џ. Т. (62) од Прилеп пријавил дека во с.Стровија бил физички нападнат од три лица од Прилеп. Се преземаат мерки за расчистување на настанот.
Истиот ден во ОВР Крушево, 28-годишен крушевчанец пријавил дека во семејниот дом неговиот татко Ѓ.П. агресивно се однесувал, оштетил дел од покуќнината, а предизвикал оштетувања и на возилото од соседот. Истиот е лишен од слобода и приведен во Полициска станица Крушево. За случајот е известен Јавен обвинител, по чија насока Ѓ.П. е спроведен во Психијатриска болница Демир Хисар.
На 09.05.2021 К.И. (30) од с.Радобил, прилепско, пријавил дека настанал пожар во летна кујна, сопственост на угостителски објект во атарот на с.Радобил, при што биле опожарени дрвената и кровната конструкција, апарати и елементи во склоп на кујната. Пожарот е изгаснат од страна на Територијалната противпожарна единица од Кавадарци. Увид е извршен од страна на увидната екипа од Прилеп.