Советот на општина Крушево на својата редовна 70-та седница донесе одлуки за доделување на средства за набавка на дигитални алатки на основните училишта во општината. Според одлуките, надополнувањето на блок дотацијата на ООУ „Никола Карев“ изнесува 700 000 денари, додека за ООУ „ Св. Кирил и Методиј“ во с. Бучин изнесува 300 000 денари. Со овие средства ќе се набават дигитални алатки и ќе се олесни и овозможи процесот на дигитализација и учење на овој начин.
Локалната самоуправа за процесот на дигитализација, презеде обврски новиот начин на работа за учениците од општина Крушево да биде полесен и училиштата да ја започнат новата учебна година со соодветна опременост.