Пратениците се на годишен одмор. Претседателот на Собранието Талат Џафери локалните избори ќе ги распише в петок , на 6 август, а ќе се одржат согласно законскиот термин на 17 октомври годинава.
Според Деловникот на Собранието, одморот на пратениците е до крајот на август. Претседателот на Собранието може и за време на одморот да свика седница на Собранието.
Џафери минатата недела на средба со новинарите рече дека со седниците ќе продолжат по одморот, кога ќе работат по преостанатите незавршени седници. Нова седница ќе биде закажана на средината на септември.