По неодамнешната оставка на Саше Игнатовски, нов шеф на Стручниот штаб на Боречкиот клуб 7 Мај Прилеп е Теодор Темелкоски. И, на новата позиција Темелкоски дебитираше успешно. По подготовките во Качаник со репрезентацијата на Косово, Боречкиот клуб 7 Мај зеде учество и на Меѓународниот турнир „Борачки легенди“ во Радовиш. Учествуваа: Матеј Димитриоски, Андреј Тренкоски, Кристијан Аризанкоски, Стефан Аризанкоски, Тамара Цветкоска, Ангела Трајкоска и Барбара Стојкоска. Особено блеснаа последниве три: Цветкоска со бронза, Трајкоска и Стојкоска со злата. Стојкоска до 1. место стигна со 4 победи.
„Следи Балканијадата во Ксанти, Грција. Предизвик е за шампионките Трајкоска и Цветкоска во категорија до 15 години, како и за кадетката Стојкоска. Од Стојкоска се очекува најголем резултат“, изјави новиот тренер на на Боречкиот клуб 7 Мај, Теодор Темелкоски.