Необичен распоред за женската ракометна екипа на прилепска Деспина во првенството од Супер лигата. За три дена има два меча. Вечерва беше првиот во Куманово. Таму, домашниот истоимен тим, актуелен шампион, извојува победа од 30:19 (17:6). Кумановчанките го имаа водството од самиот почеток и нивниот триумф во ниту еден момент не беше загрозен.
За прилепската екипа, која има биланс од 2 пораза и 2 победи, важно е да собере сили за наредниот дуел, кој е веќе в сабота, дома, со битолски Феникс.
На табелата со максимални 12 бода водечки се Чаир и Куманово.