Утре во автоматското воздушно стрелиште во НУЦК „Марко Цепенков“ ќе се одржи традиционалниот турнир „Опен Македонија“ во организација на клубот Херој Прилеп. Најавено е учество на сите најдобри македонски стрелци во дисциплините пиштол и пушка. Според високата форма, многу се очекува од младите домашни стрелци, членови на Херој Прилеп.
Тие на последниот настап, на меѓународниот турнир во Белград, одлично се претставија со пушка: Мартин Ангелески со поставени два државни рекорда – јуниорски со 610,1 круга, сениорски со 608,8, Ирина Јованоска со резултат од 605,5 и Магдалена Ристеска со 596,7. Утрешниот турнир е со почеток во 10 часот.