Преку фејсбук статус денеска Горан Сугарески поранешниот министер, пратеник, и кандидат за градоначалник на Прилеп на локалните избори 2021, ги информираше своите сопартијци дека дава оставка од високата партиска функција претседател и член на Надзорниот одбор на СДСМ.
Почитувани,
Во знак на морална одговорност за неуспехот на локалните избори, како на локално така и на централно ниво, поднесувам оставка од функцијата претседател и член на Надзорниот одбор на СДСМ.
Извршувањето високи партиски и државни функции, покрај другото подразбира и одговорност кон граѓаните и членовите на нашата партија. Во таа насока, оставката претставува мој придонес за што побрза консолидација на партијата и што поскоро враќање на победничките патеки.
Упатувам благодарност на актуелното партиско раководство, како и на сите членови на партијата за укажаната можност да извршувам високи партиски функции, меѓу кои и последната, претседател и член на Надзорниот одбор.
Јас сум социјалдемократ, секогаш тоа и ќе бидам. Останувам верен на партијата и се ставам на располагање за било каков понатамошен ангажман, објави Горан Сугарески на социјалната мрежа Фејсбук.
