Изложба на цртежи организира ДЛУП ПРИЛЕП на која ќе учествуваат дваесетина уметници со автентични творби. Настанот го носи насловот „ИНК 2021 – Цртеж и вино, а ќе биде организиран утре, сабота, во уметничко катче Ателје Артика – Прилеп . Посетителите ќе имаат прилика да научат повеќе за цртежот, да разговараат за уметноста, препуштајќи се и на богатата палета на ароми и вкусови на разните вина од македонска Винарска визба „ТИКВЕШ“.
Лиричната или дурската нота на линијата и емоциите кои ги буди играта на светло-сенката во комбинација со примамливите мириси и вкусови на виното, ќе ја предизвикаат перцепцијата и бујната имагинација на посетителите создавајќи единствено и неповторливо искуство.
Настанот ќе биде организиран согласно протоколите и мерките за заштита од Ковид-19.