Владата денеска им врачи признание на вработените во ЈЗУ Општа болница со проширена дејност „Борка Талески“ Прилеп во знак на почит за придонесот кој што го направија за време на пандемијата. Признанието е за високото ниво на професионалност, сплотеност и колегијалност, а посветено на сите здравствени работници кои несебично беа вклучени во борбата со ковид пандемијата. 
„Раководството на нашата болница го посети инфективно одделение и им честиташе на истрајноста,посветеноста и спроведувањето во пракса на новите протоколи за работа во однос на лекувањето на болните од Ковид!
Нашите инфектолози покажаа голема храброст и пожртвуваност и голем етички морал и посветено одговорија во справувањето со пандемијата дури и кога на некој не му изгледаше така.
Денес состојбата е порелаксирана,намален е бројот на болните па веќе размислуваме за посилна соработка на сите нивоа на здравствена заштита на институциите во земјава но и поголемо почитување на животната средина.
Честитки за инфективно,но честитки и за целиот здравствен и помошен кадар вклучен во негата и лекувањето на болните.
Благодарност на нашите вработени од сите профили кои на било кој начин го дадоа своето учество во сите ковид пунктови“, напишаа по тој повод од Градската болница на социјалните мрежи.
