Преспанско-пелагониската епархија и свештените лица од Прилеп одлучија дека поради пандемијата со Ковид 19, треба да изостане масовното одбележување на големиот православен празник Богојавление – Водици. „Оваа година празникот Богојавление-Водици, ќе се одбележи скромно и симболично во дворот на црквата „Свето Благовештение (Стара Црква) во Прилеп,“ посочуваат од Преспанско-пелагониската епархија, и додаваат дека:
„Во среда на 19.01.2022 во 09:30 во црковниот двор на светото фрлање на крстот ќе учествуваат неколку дечиња и со тоа ќе се задржи симболиката на овај голем празник, но воедно и ќе се запазат рестриктивните мерки и препораки да нема голема масовност. Во духот на православната христијанска вера и традиција, остануваме со позитивна мисла и верба во Бога, исто така упатуваме апел до сите наши сограѓани да се чуваат и да бидат одговорни и совесни за нивното здравје.“
Градоначалникот Борче Јовчески ќе присуствува на светиот чин во црквата.