Шпекулациите, дека во Прилеп од почетокот на оваа година починале 200 лица од Ковид-19, ги дематира извештајот од Центарот за јавно здравје Прилеп. Вкупенот број на заразени лица од почетокот на пандемијата, кон крајот на февруари од 2020 година кога од епидемија ковидот стана пандемија, бројот на заразени во Прилеп изнесува 13.265лица, а вкупен број на починати лица од почетокот на пандемијата изнесува 555 лица.
Центарот за јавно здравје – Прилеп информира дека изминатата седмица, во периодот од 07.02. до 13.02.2022година, во општина Прилеп има 267 нови случаеви на заболени од Ковид-19. Од последици на коронавирусот починале 7 лица, бројот на активни случаи со Ковид-19 изнесува 336, на болничко лекување се наоѓаат 29 лица, од кои 27 се на кислородна поддршка.
Инаку, во периодот од 31.01. до 06.02.2022 година, во општина Прилеп од последици на коронавирусот починале 10 лица.
Минатиот месец ,јануари, од последици на коронавирусот во Прилеп починале 12 лица од Прилеп, се вели во извештајот на Центарот за јавно здравје Прилеп.