На “Гумење” во Крушево ,по повод, одбележување на Денот на македонската полиција 7 Мај , беше изложена и презентирана опремата со која работи Министерството за внатрешни работи.
На настанот присуствуваа градоначалникот на општина Крушево Томе Христоски и заменик директорот на БЈБ, Ариф Асани. И двајцата ги посетија штандовите каде што службите имаа кратки презентации за опремата.
“Ова е еден несекојдневен настан кој за прв пат се одржува во Крушево и добро е што преку овие настани граѓаните одблиску се запознаваат со работата на безбедносните служби. Благодарам за посетата на заменик директорот Ариф Асани и се надевам на уште подобра соработка.”, порача градоначалникот на општина Крушево.
Настанот го организираше МВР со поддршка на општина Крушево.