На повеќе локации во место викано Борула, Прилепско, вчера е спроведена координирана оперативна акција „Гора” на СВР Битола-ОВР Прилеп – НККР, Одделот за криминалистичка полиција и Одделот за специјални полициски операции со поддршка на ЈП Национални шуми и внатрешна контрола на ЈП Национални шуми, соопштија денеска на прес конференција преставнци од МВР. При тоа беше нагласено дека во оваа акција биле приведени девет возрасни и седум малолетни лица.
Приведени се лицата : И. А.(35), С. А.(58), А. З .(27) Д. А. (25), Н. М. (26), М. А.(24), А. А.(41), Ш. З.(41), П. К(42) сите од Прилеп, како и седум малолетници.
При,тоа пронајденисе и одземени шест патнички моторни возила, натоварени со дрва. Одземени се и шест моторни пили, 15 коњи и дрвна маса од околу 45 метри кубни, кои се предадени на шумочуварската служба при ЈП „Национални шуми”.
По документирање на службениот материјал ќе биде поднесена кривична пријава до ОЈО Прилеп по член 226 „Пустошење на шуми” од КЗ.