Владата на денешната седница донесе одлука за ограничување на маржата за некои од основните прехранбени продукти. Мерката ќе се применува од утре до 30 септември и тоа: за бел леб сечен или цел, за бел шеќер и за сончогледово масло маржата во трговијата на големо и во трговијата на мало ќе биде до 5 отсто, за пченично брашно тип 400 и тип 500, макарони и шпагети од тврда пченица, бел ориз, трајно кравјо млеко со масленост од 2,8%, 3,2% и 3,5% и јајца од кокошка за сите трговски друштва и трговци поединци кои учествуваат во трговскиот ланец се утврдува трговска маржа во висина до 10% во трговијата на големо и до 10% во трговијата на мало.
Со оваа Одлука за определување на највисока трговска маржа на основните прехранбени производи во трговијата на големо и на мало се ограничува растот на цените во наредниот период преку утврдување на висината на трговската маржа која треба да влијание на растот на цените на мало на основните прехранбени производи.