Како што беше најавено на вечерашниот протест во Скопје, утре ќе се блокираат магистрални патишта низ Македонија во траење од 1 час, од 13 до 14 часот. Неформалните организатори „Ултиматум – НЕ благодарам” најавија блокади на 4 места, во Скопје пред Владата, како и блокирање на магистралните патишта Штип Велес, Струмица Радовиш и Плетвар Прилеп.
„Повикуваме на масовност да кажеме НЕ на ултиматумот за бугаризација на Македонија, НЕ за бруталноста и полициските местенки, ДА за иднината на Македонија. Сабота во знак на почит на сограѓаните муслимани кои чествуваат празник нема да има протести. Продолжуваме масовно со протестирање во Скопје, НЕДЕЛА во 19 часот пред влада“, стои во нивната информација.