Во Новаци ќе се отвора „Центар за дијаспора“. Министерот во Владата на Република Македонија, задолжен за дијаспора, д-р. Џемаил Чупи и градоначалникот на Општина Новаци Стевче Стевановски, потпишаа Договор за соработка од областа на дијаспората, за отворање на овој центар кој би служел за овозможување пристап до потребните информации на лицата од дијаспората.
Надлежностите и одговорностите на канцеларијата ќе бидат во насока на информирање на дијаспората за нивните права и обврски, креирање на база на податоци за активни здруженија, база на податоци за бизнис дијаспората и привлекување на странски инвеститори, да иницира соработка на локални организации со организации од дијаспората и сл.