Ниските утрински температури кои достигнуваат до – 10 степени, а според УХМР ваквите температури ќе се задржат и наредниве денови можат да предизвикаат оштетување на водоводните инсталации. Поради ова, од ЈКП „Водовод и канализација“ Прилеп, од секторот за техничко одржување и развој ,препорачуваат и апелираат до граѓаните да преземат превентивни мерки за заштита на водните инсталации и водомерите за да не се предизвикаат трошоци и за физичите лица, но и за јавното претпријатие:
- да не се заштитуваат инсталациите пред се’ преку константно испуштање на водата преку славините!
- водомерите во водомерни шахти да бидат заштитени со соодветна изолација од топли материјали!
- надворешните чешми (во дворовите) да бидат испуштени и затворени, а потоа заштитени повторно со соодветни материјали за изолација од ниски температури!
- во подрумските простории каде е видлива водоводната инсталација да биде заштитена со термо изолација, но и да се внимава да нема провев од отворени врати или скршени прозори со цел да не дојде до пукање на стакло на водомери, пукање на цевки и сл.
Во случај на дефект или пукање на водомери од ниските температури на располагање се дежурните служби на Водовод и канализација – Прилеп 24/7!