Не е тајна дека кој било вид физички вежби придонесува за здрав начин на живот, што има повеќе придобивки и за децата и за возрасните. Но, во денешно време, кога физичките активности се заменуваат со игри на телефон или таблет и часови поминати на каучот, дома , часот по физичко образование и спорт е можност за забава и вежбање за најмалите.Часовите по физичко образование и спортување во училиште се важни , особено затоа што се одвиваат во безбедна средина , заедно со други деца. Покрај тоа тие се координирани од луѓе со знаење од оваа област кои можат да го препознаат и обучат потенцијалот на секое дете , земајќи ги предвид нивните способности. Така е и во основното училиште Страшо Пинџур од Мало Коњари .Креативни во тандем настава , наставниците Иле и Ленче, многуте спортски терминологии и наставна програма ја преточуваат во игра , забава и едукација за најмладите.

Спортот ги учи децата да бидат дисциплинирани и да следат одредени правила , спортот  развива  тимски дух , часот по физичко и здравствено образовние дава можност за развивање на мотивација и внесување на здрави навики. Во ова основно училиште часот по физичко е час за уживање , и момент за нов предизвик кој носи правилен физички развој.Насмеани детски лица , желба за докажување , тоа е вистинскиот концепт за наставниот процес , велат наставниците кои се изненадени и од идеите и на самите деца кои заедно со своите ментори ги креираат многуе едукативни спортски игри кои се дел од наставната програма.

Кога задоволството е обострано , часовите реализирани со заедничка мотивација тогаш најсреќни се децата , учениците кои едноставно посакуваат повторно да влезат во салата и докажувајќи се да се надоградуваат и да растат здраво , а ние , ние им посакуваме уште многу вакви заеднички креативни спортски активности.Во продолжение погледнете ја нашата супер позитивна сторија која е комбинација на среќа и задоволство.