Инаку, во Центарот за управување со кризи (ЦУК) во 13:11 часот на бројот за итни ситуации 112 е добиена информација дека патничко моторно возило марка „голф“ влетало во реката кај мост „Кочо Рацин“ во Прилеп.- Од Регионалниот ЦУК Битола контактирале со ТППЕ Прилеп и добиле известување дека имаат екипа на лице место, како и од Итна медицинска помош Прилеп и дека во возилото имало две лица кои се извлечени – соопштуваат од ЦУК.
На терен, согласно ситуацијата, била излезена и полициска екипа од Полициската станица Прилеп. Едното од лицата не e повредено, додека другото било повредено, но надвор од животна опасност. Конкретно, ЦУК има информација од МВР Прилеп, дека се ангажираните екипи од Системот за управување со кризи (СУК) и е повикана „шлеп“ служба за извлекување на возилото. – Во возилото имало 2 лица, од кои едното лице се здобило со лесни телесни повреди и е пуштено на домашно лекување, додека другото лице е со тешки телесни повреди, но е вон животна опасност и веднаш е транспортирано со Брза помош во ЈЗУ Општа болница „Прилеп“ – се наведува во соопштението.