Победа го назначи Филип Мирчески за нов шеф на стручниот штаб на клубот. ФК Победа оваа сезона ќе има за цел подобар настап во второлигашката конкуренција и ќе игра со фудбалери од својата младинска школа.
Победа со подготовките започнуваат в среда, на 5 јули. На Градскиот стадион „Гоце Делчев“ првпат пред фудбалерите-првотимци, како шеф на Стручниот штаб ќе застане Филип Мирчески, 34-годишен стручњак кој има заслуги за минатогодишната шампионска титула на Победа во Младинската супер лига на Македонија.