Од средствата наменети за имплементација на Стратегијата за Ромите од Министерство за транспорт и врски во општина Прилеп ќе се реконструира водоводна мрежа во повисокиот дел од улица „Дебарца“ и секундарни краци во износ од околу 1,1 милони денари, со што постепено ќе се решава проблемот со водоснабдување во најголемата ромска населба Тризла.
Општина Прилеп, исто така, е една од трите пилот општини каде што се реализира регионалниот проект „Јакнење на националните и локалните системи за поддршка ефективна социо-економска интеграција на повратници во Западен Балкан“, во партнерство со локалните заедници и Министерството за труд и социјална политика, а поддржано од Делегацијата на Европската Унија. Во рамките на овој проект е изврешено опремување на две училници во ООУ „Добре Јованоски“-Прилеп с за спроведување на образование на возрасни и за зголемен опфат на лица во активацијата на пазарот на труд.
Исто така, се спроведоа и проект за бетонирање на улица Богомилска со крак Тризла и бетонирање на улица Богомилска со крак Гостиварска. Во рамките на ИПА се спроведува и поголем проект насочен во подобрување на условите за живеење, легализацијата и реконструкција на домовите на социјално ранлива категорија на граѓани од населбата Тризла.