По трет во центарот на Прилеп кај платото пред Градскиот Саат се одржа манифестацијата “На Василица во Прилеп”. Организаторот, локалната самоуправа заедно со повеќе општествено одговорни компании на присутните им поделија повеќе од 500 буреци, а само во еден беше паричката, која ја пронајде 47 годишниот Љупчо Трајкоски, невработен кој за прв пат во својот живот ја добива паричката на еден ваков убав празник, а честитајќи го празникот до сите христријани, си посака и тој во оваа година да се вработи. Прилепчани беа доследни на традицијата и рекоа дека ова треба да продолжи да се негува во централното градско подрачје, а подоцна секако да се врти мазник, бурек или пита и во домашен амбиент.
И оваа година имаше буречиња за сите присутни исто како греано вино и топол чај. Очекувањата од организаторите се од година во година прославата на овој празник да биде помасовна се разбира со богата културно уметничка програма пред платото од Градскиот саат.