СОУ Орде Чопела беше домаќин на Првенство во шах за просветни работници од средните училишта во општина Прилеп. Целта на овој турнир е дел од иницијативата за афирмација на шаховската игра во училиштата. Дека шахот е популарен меѓу просветните работноци покажа учеството на претставници од сите средни училишта. Од деветте професори најуспешен беше Дејан Ѓорѓиески од СОУ Ристе Ристески-Ричко. Второто место го освои Филип Ачкоски од СОУ Орде Чопела, додека трет е Гоце Ѓорѓиоски од СОУ Гимназија Мирче Ацев. СОУ Орде Чопела се покажа и овој пат за добар домаќин.
Турнирот беше во организација на ШК Пелагон Прилеп.
