„Над 2 200 корисници незаконски примале социјална помош и пензија“, тврди министерот за труд и социјала во техничкана влада, Ѓоко Велковски од редовите на ВМРО-ДПМНЕ. Станува збор за злоупотреба на системот за социјална заштита и незаконско и против правно исплаќање на средства за гарантирана минимална помош, народски позната како социјална парична помош и социјална пензија на лица кои не исполнуваат законски услови да ја примаат
Според големината на градови Прилеп е водечкиот, со 229 лица кои незаконски примале социјална помош и социјална пензија. Злоупотребата на правото на добивање на социјална помош и пензија , со над 100 лица е детектирана во Битола 166 корисници , Куманово – 235, Прилеп – 229, Гостивар – 164, Скопје – 714, Карпош – 125, Кисела вода – 155, Чаир – 151, Шуто Оризари – 121, Тетово – 150.
Незаконското користење на овие права направила огромна штета врз Буџетот – „Месечната штета е 18 милиона денари. Годишно над 200 милиона денари. За сите над 2 200 корисници“,истакнал Велковски
Според него, манипулацијата е системска, и како што вели тој, во неа веројатно биле вклучени повеќе лица, „за што е започнат и вонреден инспекциски надзор, со цел да се откријат сторителите„, вели Велковски, зад овој милионски криминал во МТСП.