Поради случена сообраќајна незгода на патниот правец Прилеп – Битола сообраќајот помеѓу Прилеп и Лагово се одвива по стариот пат.
Екипите на ЈП Македонијапат се на лице место и работат на расчистување и нормализација на сообраќајот, информират од диспечерскиот – информативен центар ЈП Македонија пат.
Едно лице е повредено во сообраќајна несреќа на магистралниот пат Прилеп-Битола. Според информациите од МВР, несреќата се случила синоќа околу 1 часот по полноќ. Во сообраќајната несреќа учествувале товарно возило и автомобил.
Од МВР додаваат дека по завршување на увидот ќе излезат со повеќе информации.