На објектот на НУЦК „Марко Цепенков“ во моментов се реализира мурал, посветен на величината на Марко Цепенков, истакнат собирач на македонски народни умотворби, кои имаат непроценливо значење за македонската фолклористика , како една од најистакнатите фигури во македонската историја и култура. Муралот го изработува визуелната уметница Ивана Самандова, во рамките на проектот „Јазикот коски нема, но коски крши“ , со поддршка на Mинистерство за Култура на Република Македонија, во соработка со Организацијата Факултет за работи што не се учат – ФРУ.
„Идејата зад муралот е создавањето „искра“ и љубопитност кон истражувањето и врската меѓу современиот свет и историското културно наследство“, вели Ивана Самандова.
Муралот е дел од конкурсот „Цртај на македонски јазик“. Заедно со Ивана Самандова го работат и Методи Исков и Александар Џинго.