Унијата на ЗМСТАС предводена од Здружението „ЗА НАС“ организира донациски базар под мотото „Сестрите за сестрите“ кој ќе се одржи на 1 јуни 2024 година во 12 часот кај Градскиот саат во Прилеп.
Нашите активности во оваа хумана насока продолжуваат, па токму сега, на Меѓународниот ден на детето, го организираме овој хуманитарен базар за помош на нашите колешки и нивните деца, за кои се потребни средства за лекување со порака да допринесеме за уште две детски насмевки, посочуваат организаторите.
Хуманитарното друштво при ЗМСТАС „ЗА НАС“ континуиерано ги реализира програмските цели започнати пред Божиќ со медицинските сестри од патронажата, преку донации за бездомните и социјално загрозените лица, хуманитарен донациски базар кој беше организиран во текот на чествувањето на Меѓународниот ден на медицинските сестри и традиционалната Свечена академија.