Под влијание на влажна и нестабилна воздушна маса, денеска, четврток, во ноќните часови и утре,петок, на повеќе места ќе биде нестабилно со пороен дожд и грмежи, локално во форма на невреме со интензивен пороен дожд, силен ветер и услови за појава на град, соопшти УХМР.
Нестабилноста од вечерва ќе продолжи и утре претпладне, времето ќе биде променливо облачно, на повеќе места со пороен дожд и грмежи , локално во форма на краткотрајно невреме со интензивен пороен дожд , силен ветер и услови за појава на град.
За време на викендот ќе преовладува стабилно време, а во почетокот на следната седмица во попладневните часови повторно ќе има локална појава на пороен дожд и грмежи .