Од 29 август до 1 септември ракометниот клуб „Прилеп“ ќе го организира 9 то издание на меморијалниот турнир „Миле Нешкоски“, што се игра во чест на некогашниот македонски репрезентативец, Миле Нешкоски. И, повторно, прилепските и македонските љубители на ракометот, и оваа година, ќе имаат можност да уживаат во интересни натпревари.
Покрај домаќинот на турнирот ќе играат уште три екипи од Македонија и две странски: екипите на Куманово, Охрид и Тиквеш, како и српскиот тим Врање и грчкиот ПАОК.
Групите, како и распоредот на натпреварите на меморијалниот турнир „Миле Нешкоски“ ќе бидат познати дополнително.