Локалните производители ќе се презентираат со првите продукти од сезоната на малото „Slow food пазарче“ во организација на Slow food Прилеп, кое ќе се одржи во Прилеп в сабота на 22 ри јуни на платото кај Градскиот саат во Прилеп. Преработувачи на млеко, на пчелни производи, рачни изработки, винарии, домашно произведени сокови, ликери…мармалади, намази од овошје и зеленчук…зачини…
Над 20 локални производители од Прилеп и од цела Македонија ќе се претстават на малото пазарче да потсетат дека квалитетот се создава со љубов и грижа за здравјето.
Пазарчето ќе биде отворено од 10 часот до 15 часот. Убаво е да се посети и да се вкусат единствените производи автентични според поднебјето каде што виреат и се преработуваат, се разбира на традиционален начин.