Од 20 до 23 февруари 2026 година ќе се одржи традиционалниот меѓународен карневал „Прочка 2026“, во Прилеп.
Според програмата, на 20 февруари во 12:00 часот, во Центарот за култура „Марко Цепенков“ ќе биде отворена изложба на рачно изработени традиционални и современи маски (сурати).
Во сабота, на 21 февруари, точно напладне, ќе се одржи детската карневалска поворка, која ќе тргне од ООУ „Кочо Рацин“, а ќе заврши на централната бина на плоштадот „Методија Андонов-Ченто“.
Наредниот ден, недела, со почеток во 13:00 часот, ќе биде меѓународната карневалска поворка, односно дефилето на маски, проследено со настапи на жонглери, кловнови, акробати и на куклари. Меѓународната карневалска поворка ќе се движи од Центарот за култура „Марко Цепенков“, по булеварот „Гоце Делчев“, до централната бина на плоштадот „Методија Андонов-Ченто“.
Во понеделник, 23 февруари, во 12:00 часот ќе бидат одбележувањето на Чист понеделник и традиционалниот заеднички ручек со Здружението „Прилепски мечкари“, кој ќе се одржи во манастирот „Свети Ѓоргија“ – Присад.