Министерот за земјоделство, шумарство и водостопанство Цветан Трипуновски денеска одржал работна средба со млинарите и откупувачите на јачмен и пченица. На средбата се разговарало за откупната цена на јачменот и пченицата, но и во која насока ќе се движи откупот на житните култури.
– На самиот почеток на откупот на јачменот и пченицата остварив состанок со производителите и со откупувачите на јачмен и пченица се со цел изнаоѓање на прифатливо решение за откупната цена која што ќе биде во корист и на производителите, но и на откупувачите, изјави Трипуновски.
Министерот Трипуновски информирал дека веќе во понеделник е закажана уште една средба каде што дополнително ќе се разгледаат можностите за изнаоѓање на идеално решение за годинешниот откуп на јачмен и пченица.