Центарот за управување со кризи информира дека за последното деноноќие 19/20 јули биле евидентирани вкупно: 35 пожари на отворено, од коишто активни се 12. Во долненско пожарот се движи кон селата Небрегово и Присад:
Регионалниот ЦУК Битола информира дека пожарникарите од ТППЕ Прилеп известиле дека пожарот во атарот на с.Небрегово (општина Долнени) што започна на ден 18.07.2024 година во 18.59 часот се движи во правец на с.Небрегово и с.Присад, каде што е зафатена ниска вегетација и ниска деградирана мешана шума. Ангажирани се 17 пожарникари со 3 теренски и 2 ПП возила – цистерни. Испратена е и екипа од 3 вработени во Национални Шуми – Прилеп. Ангажирана е и градежна машина од рудникот „Фимар Балкан“ за создавање на заштитен појас во с.Небрегово. Од ЕЛС Долнени побарана е воздухопловна поддршка.