На својот пат до илинденско Крушево, денеска околу пладне македонската Илинденска коњаница го посети Кривогаштани каде беше пречекана пред општинската зграда од градоначалникот Никола Мискоски и жители од селото. Маршот на Македонската илинденска коњаница започна на 26 ти јули од неколку општини во Македонија од Скопје и од Кичево.
Предвидено е коњаницата да се придружи на централното одбележување на празникот Илинден во Крушево на 2 август. Целта е да се сочува традицијата, културата, македонските вредности и љубовта кон татковината, по пример на храбрите македонски јунаци низ историјата.
Годинава се одбележуваат 121 година од Илинденско востание, 80 години од Првото заседание на АСНОМ и 46 години од првиот Илинденски марш.
