Ракометниот клуб Прилеп се засили со уште еден играч за нова ракометна суперлигашка сезони.
Нов член на првиот тим на Прилеп е младиот Филип Адамчески, кој беше дел од младинските категории на клубот. Станува збор за млад талентиран ракометар кој настапува во бековската линија, а дејствува главно во левата страна на нападите.
За новата сезона покрај тренерот Божидар Мојсов, кој останува на кормилото и ја продолжи соработката, беше продолжен договорот и со капитенот Христи Бикоски.
Претходно клубот на својата ФБ страна информираше за уште четири засилувања – пивотот Александар Тренчевски, средниот бек Божидар Илиески, десниот бек Никола Јеремиќ и голманот Стефан Христоски.