Граѓанската иницијатива „Спас за Прилеп“ за в понеделни, 12 ти август, најавува масовен протест и блокада на сообраќајот од 7 часот кај Заполшки мост на Регионалниот пат Прилеп – Градско. Протестот од 8 часот и 30 минути се сели и продолжува пред општинската зграда во Прилеп.
Жителите на Оревоец, Плетвар, Крстец, Лениште и Маркова чешма и прилепчани бараат дислокација на ископот на мермер за градежен материјал на конзорциумот Бехтел и Енка за изградба на коридорите 8 и 10д.
„Да кажеме стоп на уништувањето на белите дробови на прилепчани. Да кажеме ДОСТА Е од нов екоцид врз животната средина и природата. Да покажеме дека САКАМЕ да живееме во чиста живтона средина“, стои во известувањето.