На 13.10.2024 во 17.15 часот на ул.„Кордон“ во Прилеп, полициски службеници од ОВР Прилеп го лишиле од слобода Е.Р.(41) од Прилеп. Тој бил затекнат при извршување на кражба на предмети од кругот на приватна фирма – работилница за метал. Предметите му биле одземени и ќе бидат вратени на сопственикот. По целосно документирање на случајот, против него ќе биде поднесена соодветна пријава.
На 13.10.2024 околу 01.00 часот во ОВР Прилеп било пријавено дека настанал пожар во угостителски објект во населба Точила во Прилеп, сопственост на Ф.Г.. Пожарот бил изгаснат од екипа на Територијалната противпожарна единица Прилеп, а повредени лица нема, причинета била материјална штета. Увид извршила увидна екипа на ОВР Прилеп.
На 13.10.2024 во 21.00 часот во ОВР Прилеп, 72 – годишен прилепчанец пријавил дека на ул„Осоговска“ бил физички нападнат од неговиот син Р.М. Се преземаат мерки за расчистување на настанот.