На иницијатива на министерот за земјоделство, шумарство и водостопанство Цветан Трипуновски денеска во Велес, се одржа работна средба со повеќе од 30 здруженија. Целта на средбата била разгледување на предлог-програмите за субвенционирање за 2025 година. Според Министерството, на дневен ред на средбата биле двете програми: за директни плаќања и за рурален развој. Во наредните денови биле планирани и други состаноци со останатите чинители во земјоделскиот сектор.
-„Темата на овој состанок е заедно со земјоделските здруженија да креираме програми коишто ќе значат поттикнување и враќање на земјоделското производство во Република Македонија. Ќе работиме заедно за да донесеме програми што ќе значат развој на македонското земјоделство. Ова што го правиме како активност е отворање на вратите на Министерството во вистинска смисла на зборот, се со цел заеднички и партнерски да работиме во секторот,“ истакнува министерот Трипуновски.