Почина Александар Карадакоски, кој што бил управител на хартија на ММММ Кафе дооел, кој што управувал и со дискотеката Пулс во Кочани во која изби пожарот и животот го загубија во 59 млади лица.
Карадакоски на лекување беше испратен во Литванија каде и починал.
Во трагедијата што се случи во на 16 март рано наутро во пожарот во дискотеката „Пулс“ во Кочани загинаа 59 лица, а над 170 беа повредени.
Карадакоски е 60-та жртва од трагедијата која што ги погоди Кочани и Македонија.
Официјална потврда во јавноста се очекува да биде објавена на прес-конференција на Министерството за здравство закажана за денеска во 13:30 часот.
Во врска со трагедијата во Кочани, во која загинаа 59 лица, осомничени се 27 физички, три правни лица и седум полициски службеници од Штип и Кочани.
На сите осомничени им е одредена мерка 30-дневен притвор, освен на хоспитализираните.
Обвинителскиот тим што ја води истрагата за пожарот во Кочани е составен од 11 јавни обвинители.
Фото: Радио Кочани