Два часа прилепчани останаа без струја ова утро. Околу 5 часот до 7 часот, прилепчани беа без струја, а некаде еден некаде, два часа снемало струја и во Скопје, но и во Битола, Охрид, Штип, Струмица, Кочани, Крушево, Кичево, Гевгелија и Куманово.
Според МЕПСО, државната компанија за пренос на елетрична енергија во раните утрински часови поточно во 5 часот дошло до дефект и краткотраен испад на 110 kV преносна мрежа, а дел од градовите повторно струја добија во 6 а останатите околу 7 часот утрово.
„Причина за овој прекин се високите напони на 400 kV мрежа во целиот регион, што го афектираше нашиот систем и го предизвика краткотрајниот испад на енергетските трансформатори 400 /110 kV во трансформаторски станици. Станува збор за реигонален и европски проблем со кои се соочуваат речиси сите преносни систем оператори поради нискиот транзит и конзум на електрична енергија во текот на ноќните часови и викендите во овој период од годината.“се вели во соопштението на АД МЕПСО.
Во соопштениото од АД МЕПСО се вели дека напојувањето со електрична енергија во државата е нормализирано од каде велат и дека преку реализација на нови инвестиции во соработка со соседните преносни оператори, се придонесува за зајакнување на стабилноста на системот, кој во минатото беше сериозно запоставен и неадекватно одржуван.