Со доделување на благодарници за учество, денес во Прилеп, заврши тридневната работилница за мозаик со млади таленти насловена „Мозаикот денес“.
На работилницата присуствуваа петнаесетина деца од прилепските средни и основни училишта, а најголем дел од нив првпат преку теорија и пракса се запознаа со оваа ликовна техника, благодарение на предавачката, ликовната уметница м-р Александра Димитрова
Станува збор за мозаик изработен од вештачки камен. Ова е трета работилница за мозаик со млади таленти. Како автор на проектот, презадоволна сум бидејќи интересот во секој град е огромен. Досега имавме работилници во Штип и во Крива Паланка. Бидејќи Прилеп изобилува и со прекрасен природен камен, имаме идеја следната година да правиме мозаици со природен камен а желбата е оваа работилница да трае подолго-рече уметницата Александра Димитрова, превач на работилницата.
На овој начин се продолжува традицијата на изработување мозаик, наследена од нашите предци. Мозаикот е скапа и грациозна техника, а мозаиците низ вековите го украсувале и оплеменувале просторот.
Проектот го реалзира НУЦК „Марко Цепенков“ со поддршка на Минситерството за култура и туризам на Македонија.