До 15 јуни, вкупно 22 лица, македонски државјани и членови на нивните семејства, побарале помош за евакуација од Израел.
Министерството за надворешни работи и надворешна трговија формираше кризен штаб и упати апел до македонските државјани да се воздржат од патување во регионот на Блискиот Исток, поради влошување на ситуацијата.
Министерството, во соработка со амбасадата во Тел Авив, активно работи на организирање на нивното безбедно враќање. Воздушните простори над Израел и Иран беа затворени, што дополнително ги комплицира напорите за евакуација на македонските граѓани.
Само пред неколку дена МВР ги повика македонските државјани да не патуваат во Израил и Иран.
Изминатите три дена, Израел и Иран разменуваат меѓусебни напади со дронови и ракети.
Тие започнаа со воздушен напад од израелска страна врз иранските нуклеарни и ракетни постројки на 13 јуни, како и со напади врз генерали и неколку нуклеарни научници.