Советниците на 64 тата Седница на Советот на Општина Прилеп, со мнозинство на гласови дадоа согласност за одобрување на финансиски средства за учество на Општина Прилеп во реализација во проектот “Проект за подобрување на водната инфрструктура на општините во Република Македонија“, финансиран преку Европската инвестициона банка.
Советниците, исто така, позитивно се изнесоа на предлог – одлуката за учество на Општина Прилеп во проектот „Подобрување на управувањето со водите во прекуграничната област за заштита на природните ресурси“ („Improving the water management in the cross-border area for the protection of natural resources“ – AQUANA -МIS Code 6007113)
Седумте точки од дневниот ред беа причина за повеќе полемики, но сепак со мнозинство гласови советниците дадоа поддршка по предлог-одлуките за давање согласност на годишните планови за вработување во 2026 година на ЕЛС, на ЈКП Пазари-Прилеп, на ЈОУДГ “ Наша иднина“ – Прилеп, на ЈП за ПУП, на ЈОУ Дом за стари лица “Киро Крстески – Платник“- Прилеп и на ЈОУ Градска библиотека „Борка Талески“ – Прилеп.
На денешната седница беа усвоени годишниот извештај и програмате на ООУ “Блаже Конески“ – Прилеп и на ООУ “Добре Јованоски’ – Прилеп, за учебната 2025/2026 година.