Регулаторната комисија за енергетика, водни услуги и управување со комунален отпад соопшти дека од ноќеска на полноќ (5 август 2025 година) стапуваат во сила нови малопродажни цени на нафтените деривати. Цените на бензините се зголемуваат, додека дизелот и екстра лесното масло за домаќинство поевтинуваат.
Малопродажната цена на ЕУРОСУПЕР БС-95 се зголемува за 1 денар и ќе изнесува 75,00 денари за литар.
ЕУРОСУПЕР БС-98 исто така поскапува за 1 денар, новата цена е 77,00 денари за литар.
ЕУРОДИЗЕЛ БС (Д-Е V) поевтинува за 1 денар, со што новата цена ќе биде 69,50 денари за литар.
Масло за горење Екстра лесно 1 (ЕЛ-1) 69,50 (денари/литар)
Мазут М-1 НС 39,945 (денари/килограм).