Во прилепската касарна „Мирче Ацев“ вечерва од 18 часот ќе почне одбележувањето на 24-годишнината од загинувањето на 10 прилепски бранители. На 8 август 2001 година, конвојот на АРМ беше нападнат кај месноста Карпалак на патот Скопје-Тетово кога беа убиени 10 воени резервисти од прилепската касарна.
Делегации од Општина Прилеп, претставници на семејствата на загинатите, делагација од АРМ, политички партии и граѓански здруженија ќе положат свежи цвеќиња и ќе им оддадат почит на загинатите пред спомен обележјето во касарната и спомен плочата кај с.Лениште, а во манастирот „Света Петка“ ќе се одржи вечерна богослужба.
Со ова почнуваат годинашните оддбележувања на 24-годишнината од загинувањето на бранителите кај Карпалак. Централното чествување ќе биде утре, од 13 часот пред споменикот „Прилепски бранители“ во центарот на Прилеп. Со тоа Прилеп ќе им одаде почит на: Сашо Китаноски, Нане Наумоски, Веби Рушитоски, Бранко Секулоски, Марко Деспотоски, Ердован Шабаноски, Љубе Грујоски, Дарко Вељаноски, Горан Миноски и на Пеце Секулоски.
Утре изутрина ќе бидат посетени и вечните почивалишта на загинатите во Прилеп и во населените места, а делегациии од МОРМ и ГШ,со преставници од здружнија, општински делегации од Прилеп и преставници од семејствата на загинатите ќе го посетат и местото на крвавиот настана , месноста Карпалак на патот Скопје-Тетово, каде во заседа на армискиот прилепски конвој беа убиени 10 воени резервисти од прилепската касарна.